«Кхетаче дийцар, тайп-тайпарча культурни, юкъарча вахара кхетаченашка кагирхоша дакъа лоацаш хиларах. ЛаьрхӀа кагирхошта кхеллача дешара проектех, программех, курсех, кхыча Ӏомалуча моттигех дийцар цига.

ЛоархӀаме моттиг дӀалоацаш дар, Даьла духьа гӀо деш бола кагирхой хӀара денна баржаш латташ хилар», - дийцар «Сердало» газетага шахьара администраце

Иштта дӀакхухьача кхетаченаша боккха пайда бу. Кагирхошта, боккхийчарна юкъера бувзам чӀоагӀбу цу гӀулакхо, де лаьрхӀараш дӀа-хьа оалаш хилча, дикагӀа дӀабода цу мугӀарера болх.

«Магаса юкъарча вахаре дакъа лоацаш хила беза вай кагирхой. Каст-каста дешархошца кхетаче еш дӀабахьа беза из никъ. Тахан кагирхой эзделца, гӀулакхаца кхебарга хьежжа; кхоана, къаман сий лорадеш, дийша, хьаькъале йолаш, Даьхенах дог лазаш, тӀехье хургья вай».