«Кхераме доаца дика наькъаш» яхача къаман проектага гӀолла дӀахьош беркате болх ба из. Из хоам «Сердало» газетага бу паччахьалкхен зарбан болх лелабераша. Дуккха лоархӀаме моттигаш йола урам ба из. Масала, цига я ишкол, берий беш, колледж, берий могашал меттаоттаю лораш, иштта кхыдараш.

«Асфальта бетона никъ буллаш, бордюраш еш, гӀашлой наькъаш тоадеш, наькъа юкъе басарашца къоастам беш, къахьега дезаш ба болхлой. Ахкан хьалхарча бетта 30-гӀа ди отталехь, йистебала безаш ба болх», - йоах тхогарча хоамо. Мехкадас Келаматанаькъан Махьмуд-Ӏаьлас белгалдир, дукха балха моттигаш йола из урам тоабар шахьара вахаре лоархӀаме да, аьнна.

28 км кхоачаш бола никъ ба укх шера тоабе лерхӀар. Цу юкъе ба Чахкенаькъан цӀерах бола урам, 1200 м бӀаьха Базорканаькъан цӀи лелаю урам.