ГӀалгӀайчен столице, «Цхьана хила деза ха» яха концерт хургда
27.10.2023 10:49
Магас-Шахьара театра, кино, кхоллама балха Центро кийчду столицан бахархошта, хьаьшашта дика совгӀат. Лайчилла бетта шоллагӀча дийнахьа «Цхьана хила деза ха» яха концерт дӀахьоргда, цо хьажархой дегашка йицлургйоацаш йола хоза лар ютаргья.
«Тха кхоллама наха кийчъеш йолча программе дакъа лоацаш хургба дукхача хана денз наха безабенна артисташ: Эккажанаькъан Роза, Олганаькъан Марем, Зурабанаькъан Зураб, ЦӀечой Жаннати», - аьлар «Сердало» газетага концерт кийчдераша.
«Цхьана хила деза ха» яхача концертага хьажа болхаш, къонача хьажархошка Пушкински карта хила деза.
