ГӀалгӀай къаман
юкъара газет

Кердадараш

Магасе кастта хьалъяь яргья, 704 бера лаьрхIа йола ишкол

Кастта Магасе хьалъяь яргья, 704 дешархочоа моттигаш луш йола керда ишкол. 495 миллион ахча дIадахад из беркате моттиг хьалъеш. «Сердало» газетага из хоам бир гIишлой балхах йолча министерствос.

«13 751 квадратни метр дIалоацаш йолча кхозза вIаштIараяьча ишколера болх 78% йистебаьннаб. Йистедаьннад чура балхаш, ток, газ дIачуйиллай, цхьаццайола хIамаш Iооттаяьй», - белгалдир цигарча къахьегамхоша. Спортзал тоаеш, коа асфальт Iобуллаш, тховна оагIонаш чIоагIдеш балхаш дисад кхоачашде дезаш.

«Инг-Трейд» яха гIишлой балхаш леладу фирма я цига къахьегаш йоаллар. Таханарча хано дIадеххача тайпара, дешархошта мел эшаш дола хIама чудолаш, беркате ишкол хургья цох хьалъяь йистеяьлча.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде