ХьатӀадоагӀача шера вай мехка керттера политически моттиг хургья паччахьалкхен Кулгалхо хоржаш. Из ма хулла дийлла а нийса а дӀадахьа дезаш гӀулакх да. Терроризма духьала къовсам лоаттабара йолча комиссе дийцар, керда шу хиларца дувзаденна цӀай дола денош дӀахьош, иштта РФ Президента хоржамаш долаш, кхерамзле Ӏалашъяь хила езарах», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас. Цо хьалхадаьккхар паччахьалкхен Ӏаьдала массайолча моттигий керттера декхар - хоржамий даькъ тӀа хьабоагӀаргболча нахах къайле йоацаш а массане дакъа лаца йиш йолаш а хоржамаш хилийтар. Мехка кийчъеш я метериально-технически, кадрови, бокъонашца ювзаенна, хоамий кӀийле, хоржамаш дӀадахьар лакхача лагӀа тӀа хилийтара. Хоам бу, ГӀалгӀай Республикан паччахьалкхено, хоржамий комиссе санна хоржамашка кийчо еш я, ийс доазон шахьарашкара, кхалешкара; иштта142 моттигашкара хоржамий комиссеш. Ростелекома болх дӀаболабаьб кхадж тассара йола моттигаш видеотӀахьожамца Ӏалашъяра. Хьалхарча вице-премьера Саганаькъан Индирас хоам бир, хӀанз укх сахьате доазон тӀарча комиссе мел эшачунца кийчо еш я, аьнна. Уж да эша гӀирс Ӏооттабар, цӀи ялара кхерамзлен Ӏалашо яр, тешшаме бола телефона бувзам хилийтар, кхадж тассара йола моттигаш лерттӀа Ӏалашъяр, кхыдола хьалаш. Эггара лоархӀамегӀа дола исторически хоржамаш хургда дӀахьош, Российски Федераце Президент хоржаш 2024 шера тушола бетта 15-ча денгара 17-ча денга кхаччалца. ГӀулакх довзараш тешаш ба; цига дукхача бахархоша дакъа лоацаргда, аьнна.