ГӀалгӀайчен столицерча культуран дегӀаахара Центре, бахархой кхетаче хургья
Магасерча бахархой кхетаче хургья, цига дувца лерхӀ лоархӀаме декхараш, доал деча даькъ тӀара болх дегӀабоалабарах, яхаш, дийцар «Сердало» газетага шахьара администраце.
«Культуран дегӀаахара Центре бахархой кхетаче дӀахьоргья, цига дакъа лоацаш хургва шахьара мэр Орцханаькъан Зайт.
Из лоархӀаме кхетаче дӀахьош, балха тӀа нийслуш дола, социальни даькъ тӀара хьалаш тоадара чудоагӀа керттера дешаш кхоачашдарах дувцаргда.
Цига дакъа лаца безам бараш бех культуран дегӀаахара Центре, 2024 шера, тушола бетта 11-ча дийнахьа 15:00 сахьат даьлча, укх адресах: Магас-Шахьар, К.Кулиева урам, 30.
Белгалдаккха лов, цу тайпара кхетаченаш, ГӀалгӀайчен шахьарашка, юрташка дӀахьош хилар, Ӏадат хинна дӀаэттад тахан вай мехка. Цо таро лу Ӏаьдала болхлошта шоаш болча моттиге ханнахьа наьха хаттараш теркалде, цул совгӀа, бахархой а цу юкъе дакъа лаца йиш йолаш ба, шоай юртара хьал тоадара.
