«ХIанз укх сахьате, доазон тIа асфальт буллаш латт, дIахо машенаш Iоувттаергйола моттиг хургйолаш къахьегаш ба, цул совгIа укхаза хургья берий майда, гонахьара доазув чулоацаш, массанахьа гаьнаш егIа, хоза лостам бергба», — йох хьабайтача хоамо.

Магаса мэр Овшанаькъан Iусман, шийца шахьара совета кулгалхо Iалбаканаькъан А., кхыбола боахамий кулгалхой а болаш, лакхехьа белгалъяьккхача 10-ча микрорайона доазон тIа деш дола балхаш мичахьа кхаьчад а мишта хьадеш да а хьежар. Уж иштта хьежар, Назарбаева урамах дукхаза вIаштIарадаьча 11/1,9/1,7/1. цIеношта юхера болх мишта латт.

Укхаза болх беш болча говзанчаша, дийнахьара ха хаоттам ара дикагIа болча хана болх беш, дукхагIа йоаккх, цу тайпара йиллача хана балхаш йистедаха лерхIаш а ба уж.