Шолжа-Шахьарера Суворова урам тоабеш боахк болхлой
17.07.2026 13:02
Суворова оалаш болча урама хьал меттадоаладе арабаьнна, боахк тахан Шолжа-Шахьаре. Боккха болх дӏахьош, тоае лерхӏ из моттиг.
«Догӏан хишта лаьрхӏа йола моттиг тоаяь баьннаб болхлой карарча хана. Гӏашлой никъ мел ба бордюрни кхера оттабеш, иштта керда асфальт ӏобулларгболаш кӏалхара кӏийле шаьръеш боахк цига. Ер бутт чакхбалалехьа кийча хила безаш ба никъ», - йоах тахан «Сердалога» кхаьчача хоамо.
Хьалхагӏа хин лини тоаеш болх дӏабихьабар цу моттиге. 400 метрага кхоачаш йолча къаьнарча, шоаш дуаргдар диа яьннача турбашта меттел; керда, дикагӏа йола турбаш чуяьхкар болхлоша.
