«Геттара чIоагIа кхестача михо даь зе белгалде, кхетаче йир шахьара дас. Дакъа лоацаш хиннараш бар шахьара даь гIончаш бола Беканаькъан Халид, Сайнарой Бахьаудин, дагадоацаш хиннача хатарех болча администраце оагIонна кулгалду Балайнаькъан Ислам.

Белгалдаьчох, шахьаре доккха зе хинна хIама дац. Цхьайолча моттигашкара тока саьргаш Iолийгадар, из бахьан долаш, 60% бахархой ток йоацаш бисар. Из моттиг тоае гIерташ къахьегаш боахк болхлой», - йоах тхога бенача хоамо.

Иштта, меттаоттадир хин гIулакх а. Турбаш хих хьалъюзаш цхьа ха йоаккхаргья. Шахьара да волча Iумаранаькъан Аслана аьнначох; михо хатар де тарлуш йола моттигаш лораеш, зе хургдоацараш деш ба уж.