ГӀалгӀай къаман
юкъара газет

Кердадараш

Шолжа-Шахьара урамашка сердал тоаеш латт

ГӀалгӀайчен Шолже говзанчаш, болхлой къахьегаш ба, доал деча даькъ тӀара сердал тоаеш. Иштта сердал лу бӀоагӀий хувцаш да Свердлова урам тӀа, аьлар «Сердало» газетага шахьара администраце.

«Карарча хана болхлоша тока саьргашца дувзаденна балхаш дӀахьош да. ДӀоахала уж да 1 км 200 метр. Дерригаш а 38 урам тӀа оттаде деза бӀоагӀий, сийрда хургйолаш, 74 лампа а йогӀа а еза», - йоах хоамо.

Белгалду, Шолже тока саьргаш тоаде болабеннаб 2022 шера. Укхаза таханарча денга кхоачаш 16 км моттиг тоаяьй, 844 сердал луш йола лампа егӀай. Цу дерригнех шахьара хьал тоалу, наькъа кхерамзлен Ӏалашо а ю, гӀаш лелача наха а иштта машинашца леларашта а из накъадоал.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде