Ӏаьдала бокъонаш лораяра тӀахьийхар Шолжа-Шахьарера бизнесмен
Наха хӀама дуача моттига кулгал деш вола Шолжа-Шахьарера вахархо Ӏаьдала бокъонаш лораяра тӀахьийхар лаьрххӀа оттаяьча комиссе викалаша. Из хоам «Сердалога» бир Шолжа-Шахьарерча администраце болхлоша.
Экономикан, хӀама хьадара, шахьарерча гӀишлой гӀулакхех долча оагӀоний болхлой арабаьлар из гӀулакх тахка. Наха хӀама дуача цу моттигера во хьаж йоагӀа, вӀалла ца соцаш цхьа тата латт, аьнна, шахьарера яхархо латкъарах, араяьлар комисси цига фуд хьажа.
«ДӀабихьача балхо хьагойтар, коара гӀулакх чӀоагӀа кегаденна долга, дӀа ца йоахаш дукха нувхаш латтилга. Гуш дар, коа вӀалла лостам ца белга. Из моттиг хьайийллачунна тӀадиллар; тата дергдоацаш кондиционер тоае, дӀахо мел дола кхоачамбоацараш юстардаха, аьнна. Каьхаташ оттадир цигара хьал бӀаргадайнача комиссе», - белгалдир шахьаре.
