Хиш цӀендеш йола моттигаш хьалъеш латт Шолже
12.03.2025 13:10
24 сахьата 16 эзар совгӀа кубометр бӀеха хиш цӀендеш йола моттигаш хьалъеш проект я шахьаре дӀахьош. Иштта Илдарха-ГӀалий тӀа, Шолжа-Шахьаре, Эбарга-Юрта боаггӀача боараме хий лоаттадергдола коллектор я цига хьалъе йолаяьр.
Мехкадаь, Паччахьалкхен зарбан болх лелабераша белгалдечох, Шолж яхача хин экологически хьал лорадара тӀехьа лоархӀаме моттиг дӀалоацаш ба из болх. ГӀишлон хьал, ЖКХ оагӀонца дувзаденнараш тоадара тӀехьа йолча паччахьалкхен программага гӀолла дӀахьош ба из болх. 2027-ча шера йистедала дезаш да из гӀулакх.
«ЖКХ оагӀонца дувзаденнараш боаггӀача боараме цахиларо йоккха хало ю. Из болх йистебаьлча, 70 эзар совгӀа бахархошта хицара хьал дикка меттадоагӀаргда», - белгалдир вай мехкадас Келаматанаькъан Махьмуд-Ӏаьлас.
