Шолже дӀахьош я зӀамига а (эквайрингаш) йоккха а кассаш оттаяра рейдаш
Шолжа-Шахьаре рейдаш дӀайихьар экономикани ахчани отдело, «Сбербанк» ПАОс, йоал яхара моттигашца цхьана. Уж дӀахьош хилара бахьан дар, мах бара даькъ тӀа зӀамига кассаш оттаяра Ӏалашо яр.
Шахьара мэре зарбан болх лелабераша белагалдаьча беса, кассови аппараташ цахиларо эцархой бокъонаш телхаю, цар цхьатарра доаца хьалаш хьакхолл шоай болх нийса лелабеча а ца лелабеча а предпринимателашта. Къаьстта цудухьа эшаш да уж мах беча доазон тӀа латташ хилар.
«Сбера» викалаша дийцар, шоаш кассови аппараташ оттае кийча хиларах а, предпринимателашта эшаш бола хоам бала раьза хиларах а. Цо таро лургья Шолжера бизнес лерттӀа дӀаяхьа, иштта эцархой бокъонаш а телхаергьяц.
Белгалду, долаш долча законах, бизнесменаш декхарийла ба товарех мах балара дола хьалаш лоаттаде наха, из хила деза эцархочун аттагӀа хургдолча тайпара.
