Шолже тоабеш латт гӀашлой лела никъ
07.05.2025 14:59
«Доал деча даькъ тӀара сахьат» яха программа Къаман телевидене гӀолла дӀахьош, Шолжен мэрага Ӏумаранаькъан Асланага дехар дир Грузински урамах яхача цхьан кхалсага, лакха гӀашлой никъ тоабара хьакъехьа, из новкъа дар коа чувоалаш хилча. Цун дехара жоп луш, балхаш дӀадоладир.
Карарча хана цига жагӀа, гӀум тӀаденад, кӀалхара кӀийле кийчъе, тӀаккха асфальт а Ӏобулларгба.Ӏумаранаькъан Аслан ше цу моттиге ваха хилар, болх мишта дӀабода хьажа.
Белгалду, цига къахьегаш бола болхлой кхыча урамашкара уж санна йола моттигаш тоае лаьрхӀа ба. Из бахархой вахара хьашташ кхоачашде деш да.
