Турпалхоех дола хоамаш гулдеш ба Шолжа-Шахьаре
29.11.2023 14:37
«Шолжа-Шахьарера турпалхой» яха проект я болх беш. Цунна юкъегӀоргба Советски Союза, Россе Сийлахь-боккхача Даьймехка тӀема турпалхой, иштта тӀема операцешта юкъе белгалбаьннараш. Из хоам «Сердало» газетага бир шахьара администраце.
«БӀарчча исторически база хьакхолла еза, турпалхой цӀерашца ювзаенна. Гойтамаш дӀакхахьа, хоамий моттигашка, кепайоазон балхашка эшаргья из», - йоах тхогарча хоамо.
Шахьара бахархошка кхайкарал ду, цу тайпара турпалхой шоашта бовзе, администраце архиве укх номерах хоам бе, яхаш:(8964) 058-13-85. Массане хьаллаца дезаш; доккха, беркате гӀулакх да из.
Вай массане низаца, хьинарца хьокхолла еза къаман турпалхой истори довзийташ йола база.
