Шолже цӀена доаца къаракъ дохкачунна духьала, уголовни гӀулакх хьадийллар
23.01.2024 11:57
Шолже хьадийллар цӀена доаца корта бохабу малар дохкаш хиннача кхалсага духьалара уголовни гӀулакх, яхаш, хоам бу «Сердало» газетага ГӀалгӀай Республике гӀолла йолча Россе СК СУ.
«Шолжа кхале гӀолла йолча тохкама отдела, моттигерча яхархочунна духьала уголовни гӀулакх хьадийллар, 2024 шера наджгоанцхой бетта 13 дийнахьа шахьара базар тӀа цӀена доаца, сага могашал телхаеш дола малар дохкаш из хилар бахьан долаш», - аьлар бокъонаш лораераша.
Полице спирт теха дола малар хьадаьккхар цунгара. ХӀанз укх сахьате из гӀулакх тохкаш да.
