Шолже соцавир, корта бохабу малар менна, машинаца воагӀа водитель
Шолжа-Шахьара ГИБДД болхлоша соцавир, из хӀанз шозлагӀа а нийслу цу тайпарча хьале, корта бохабу малар менна, машинаца воагӀа водитель, яхаш, дийцар «Сердало» газетага республикан МВД.
Россе МВД ОГИБДД ДПС «Сунженски» оалача МО болхоша, шоай болх дӀахьоча хана, соцайир «ВАЗ-210740» автомашина, из лоаллаш хиннар вар 51 шу даьнна маӀа саг.
Кастлуш, ГИБДД болхлошта гучадаьлар, из саг 2023 шера мировой судхочо шозлагӀа а административни бехктокхаме эза хилар, машина лелаяра бокъонаш дӀаяьхаяле а, из машин лоаллаш хиннав аьнна, 150 сахьата Ӏаьдала болх бе декхарийла вир», - йоах хьабайтача хоамо.
Белгалду, цо РФ Уголовни кодекса 264.1 статьях лоархӀаш дола зулам даь хилар. Бокъонаш лораераша яхачох, цу тайпара гӀулакх кхерам тӀатоссаш да, водителашта санна берригача новкъа лелача наха а.
