Хин цӏенал лораеш, болх ба Шолжа-Шахьаре дӏахьош
Шолж бӏехдергдоацаш, болх дӏаболабаь, къахьегаш ба тахан Шолжа шахьаре. Суворова, Люксембург оалача урамашкара цу оагӏонцара хьал миштад тахка арабаьлар администраце болхлой, цу юхе бахача нахаца къамаьл дир цар. Хин хьал толхаде бокъо йоацилга, цу гӏулакха тахан лакха терко еш болга хьалхадаьккхар.
«Хьалхагӏа арабаьннача хана, цар теркалдир Шолж яхача хи чу бӏеха хӏамаш чукхийса 47 моттиг йолга, иштта 19 моттиг яр канализаце турбаш цу чу дӏачуяьхка багӏаш. Цу оагӏонцарча гӏулакхех болча болхлошка дӏакхаьчад из, хӏаьта цар боаггӏача боараме бехктокхаме озаргба из сиза хӏама леладераш. Цхьаццабола мехкахой уж кхоачамбоацараш меттадоаладе лаьрхӏа арабаьннаб цига», - дийцар «Сердалога» мехкарча Паччахьалкхене.
Хин хьал лорадар, экологена зе де гӏертараш юхатохар тахан лоархӏаме декхар хинна дӏаэттад мехкарча хьакимашта, экологашта хьалхашка. Берий унахцӏенонца, ӏалама хьал боаггӏача боараме хиларца, шахьара гӏулакхаш дика хиларца дувзаденна да хий цӏена, беркате хилар.
Шахьара администраце тахан, лакха терко еш, тӏахьожам лоаттабеш, болх ба из. Шолжа хьал лорадар хӏара вахархочунга кхоачаш да, боккъал а ма хила зулам доаржадерех!
