Шолже тохкаш да саг ве лаьрхӀа даь зулам
16.02.2025 11:00
ГӏалгӀай Республикан Шолжа-Шахьаре хьадийллар 41 шу даьнна вахархо ве лаьрхӀа даьча зуламах дола гӀулакх. Из нийсделар 2025-ча шера саькура бетта 15-ча дийнахьа, «Терраса» яхача ресторана юхе, малав ца ховча сага массехказа тепча теха, цу сага чов йир, ха лозадеш.
Герз кхийттачоа сиха лорий новкъостал дир, хӀанз цун вахара новкъа долаш хӀама дац. Зуламхо цу моттигера ший Лада-21114 номер йолча машинаца къайлаваьннав, номер цул тӀехьагӀа тохкама болх лелабераша гучаяьккхар.
Карарча хана, цу гӀулакхах тӀатеӀӀа болх дӀахьош ба, видеокамера тӀара а иштта нахаца къамаьл деш а. Из гӀулакх тахка аьнна тӀадиллад лаьрххӀа дола гӀулакхаш дӀахьош болча тохкамхошта, цар шоашта могар ду из къайла ца дахийтара.
