ГӀалгӀай къаман
юкъара газет

Кердадараш

Шолже маьждиг а хьужаре а хьайийллар

Шолже хьадийллар СВО лаьрххӀа йолча операценна юкъе хиннача Йовлой Махьмута даьча васкетах маьждиг а хьужаре а. Цу лоархӀамеча гӀулакха юкъе дакъа лоацаш хилар дина викалаш, Шолжа-Шахьара кулгалхочун гӀонча Беканаькъан Халит, иштта Йовлой Махьмута дезал, новкъостий, яхаш, дийцар «Сердало» газетага доал деча даькъ тӀарча зарбан болх лелабераша.

Йовлой Махьмут, динах воаллаш, цунна мутӀахьа волаш, вахаш вар. Ше тӀем тӀа волаш, ший вежарашка васкет даь хиннад цо, ший доалахьарча лаьттан тӀа ший ахчах дин гӀишло хьалъе, аьнна.

«ВоккхагӀа вола сержант Йовлой Махьмут, 2007 шера денз, ГӀалгӀай Республикан Наьсарен-Шахьара тӀема даькъ тӀа, радиотелефониста болх беш вар. Из дакъа лоацаш хилар 2022 шера Украине дӀахьош йолча лаьрххӀача тӀема операце, бакъда, хала хете а, 2022 шера саькура бетта 27-ча дийнахьа йоккха чов хинна валар хилар цун», - йоах хоамо. Белгалдоаккх, хьалхагӀа, доал деча даькъ тӀарча «Шолжа-Шахьара куран» депутатий Совето лаьрхӀадар (28.07.2022 №37\4-2о) Шолжера Солнечни яхача урамах Йовлой Мусай Махьмута цӀи тилла.

Маьждигах а хьужаренах а хӀанз цо йита дин тӀехьале хургья, цига кагирхошта ламазаш де, хьехамаш де моттиг хургья, иштта цу дикача сагах бола дагалоаттам а хургба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде