Шолжа-Шахьарерча вахархочунгара марихуана яха дохьаж лаьцар
03.08.2024 22:04
«Мак-2024» яха рейд дӀахьош хиннача полице болхлоша 190 грамм марихуана шийца йола саг лаьцар Шолжа-Шахьаре. Из хоам «Сердалога» бир Ӏаьдала болхлоша.
Зелёни яхача урам тӀа соцаваь вахархо полице Ӏочувигар. Чухьежача, цунгара корайир пакета юкъехьоарчаяь йоалла марихуана яха наркотик.
190, 89 грамм дохьаж киса делла лийнача зуламхочун гӀулакх тохкаш да Ӏаьдал», - йоах тхогарча хоамо.
РФ шоллагӀча даькъа 228 йолча статьях бехктокхаме озаргва наркотикашца бувзам лелабаьр. 10 шерга кхоачаш ха тоха мегаш да цун гӀулакх.
