Доалахьара хӏама дӏаяздара болх хьинаре дӏахьу Шолжа кхале
04.03.2026 11:30
Шолжа кхален кулгал деча Татенаькъан ӏийсас кулгал деш дӏайихьача кхетаче дийцар доалахьарча хӏаманцара болх боаггӏача боараме оттабарах, цу оагӏонца дувзаденнараш тоадарах. «Сердалога» из хоам цу моттигера бера.
«Росреестра моттигий болх дикка тоабе безилгах дийцар хьакима. Мехкарча Росреестра оагӏон кулгал деча Борисов Андрейс Шолжа кхале из хьал мишта латт белгалдир, иштта теркалдир, бахархошта санна, цу оагӏонцарча болхлошта а новкъарле еш кхоачамбоацараш цига долга. Из гӏулакх ма хулла тоадергдарех дийцар кхетаче хьакимаша»,- йоах тхога бенача хоамо.
Дӏайихьача кхетаче белгалдир, Шолжа кхален администраце, Росреестра болхлоша вӏаший бувзам болаш, цу оагӏонцара болх, бахархой хьал аттачахьа доаккхаш, меттабоалабе безилга.
