Шолжа кхалерча библиотекашка, дика хувцамаш хургда
Шолжа кхален библиотекай хӀама хувцаш, болх ба тахан дӀахьош. Хувцамаш юкъедихьад Алхастерча, Мужечарча библиотекашка, хьатӀабоагӀа бутт бовлехь, кердача куцаца шоай наӀараш хьаелларгья Оалкамарча, ГӀажарий-Юртарча библиотекаша.
Хувцамаш даьча библиотекашка аьттув хургба, книжкаш дешаш санна, болх бе, кино хьажа, гойтама балхашка, семинарашка, лекцешка дакъа лаца. Иштта цига хургья компьютерцарча кхетамах йола курсаш, метташцарча клубаша болх лелабергба. Цул совгӀа, библиотекай ганзаш кердайоахаргья, бахархой тӀаийбечар шоай болх дикагӀа Ӏомабара тӀехьа дешаргда.
ЛоархӀамедарех да, бахархой электронни базаца, таьрахьашца дувзаденнарех болча оагӀон гулламца, онлайн-сервисашца бувзам лелабе йиш йолаш хилар. Иштта библиотекашка хургья, мах бала ца безаш Интернет, «ЖӀайрахь-Магас» наькъ тӀа нийсбеннача туристашта, хьаьшашта, бахархошта лаьрхӀа.
«Кагирхой кхоллама оагӀонцара, культураца дувзаденнарашцара бувзам хургболаш, дӀахьош боккха болх ба из. Дог тийша ва со, дукха дика хувцамаш деш кердаяьха библиотекаш тайп-тайпарча ханашкара адам тӀалатташ, массанена тоам беш хургхиларах», - белгалдир вай мехкадас Келаматанаькъан Махьмуд-Ӏаьлас.
