Культуран цӀен болхлошца, говзанч-хьехама болх дӀахьоргба Шолжа кхале
01.12.2023 11:52
Къаман артист волча Дзейтанаькъан Темарлана исбахьален совета кхетаче дӀайихьар, Шолжа кхален культуран цӀагӀа. Цига дакъа лоацаш хилар, кхален администраце вахара оагӀонца бувзабеннача балха кулгалду ГӀулой ИбрахӀим. ВӀашагӀкхетаре дийцар кхален культураца, кхоллама балхаца дувзаденнача хаттарех.
«Культуран оагӀон болх лакхбергболаш, кхалерча культуран цӀеношка гойтама болх дӀакхахьа безилгах дийцар цига. Из болх бергбараш ба РДК говзанчаш. Цар гӀо дергда кхыбарашта лакхача боарам тӀа шоай болх бе, юкъера бувзам чӀоагӀбергба», - дийцар «Сердало» газетага культуран цӀен болхлоша.
Иштта йолча кхетачеша дикка пайда бергба аьнна хет цу моттигашта.
