Къаьнара газа турбаш хийцар Шолжа кхале
Къаьнара, тишъенна газа турбаш хувцаш баьхкар Шолжа кхале. АО «Газпром газ йоаржаяр Наьсаре» яхача оагӀон болхлоша 59 км керда газ чуйиллар, 950 фусамерча наьха цу оагӀонцара хьал аттача доаккхаш.
Тов бутт дӀабалале, кхы а 250 цӀа дӀатӀахоттаргда кердача турбашта. Иштта боккха теркам лоаттабу газ дӀахо чуйиллара гӀулакха. Кхалерча 766 фусаме дӀахо газ чуюллаш болх дӀабихьаб, бахархошта аттагӀа хургдолаш лаьрхӀа моттигаш я из болх чӀоагӀбеш.
«ЛоархӀаме да хӀара цӀагӀа, къаьстта СВО доакъашхой дезалашка, цу оагӀонца дувзаденна кхоачамбоацараш цахилийтар, газ хӀара цӀагӀа боаггӀача боараме хьайоагӀаш хила еза», - белгалдир мехкадас Келаматанаькъан Махьмуд-Ӏаьлас, из болх чакхбаккхарах дувцаш.
Белгалде деза, 2026-ча шера газацара деррига балхаш республике кхоачашдаь хила дезилга. Карарча хана болх дӀахьош латт «ТӀой-Юрт» яхача газа станце, иштта керда газа турбаш чуйоахкаш боахк ГРС «Наьсаре-2» оагӀонца.
