«Дарбанчен коа доаллача маьждигага хьажа вахар, шахьара да вола Iумаранаькъан Аслан, шийца администрацера болхлой болаш. Боккха болх дIахьош тоаде дезача маьждигага, из дагIача доазонга хьежар уж», — йоах тхога бенача хоамо. Укх бетта дIадоладаьд хьалхара балхаш. Эшаш дола ахча, из гIулакх дIатIаийцачо хьаденнад.

Кердача балха моттигаш тоаеш боахк къахьегамхой. ХIанзчул тIехьагIа, маьждиге ламаз эцарашта дукхагIа моттиг хургья. Лакхде лерхI маьждига мимар, чура пенаш, геттара хоза тоаде лерхI. Цул совгIа, куц тоадергда маьждиг дагIача доазон. «Доккха баркал оал оаха, тахан из мах баь варгвоаца гIулакх дIахьош воаллача сагá! Даьла духьа цо леладер, боккха маьл хинна бIаргагулда цунна! Дала иразе, аьттонца воахаволва из!» — аьлар шахьара мэре.