Шолжа мэре яхачох, ара геттара йIовхал оттарах, хицара кхоачамбоацараш дIадоладеннад, хий Iоадеча моттигашка из кIезига хилар бахьан долаш.

Моттигерча Iаьдало яхачох, хицара кхоачамбоацараш нийсденна хиларца дувзаденна латкъаш ба дукхагIа къилбасседеи малбузехьеи шахьара даькъа тIа баха бахархой.

ХIанз укх сахьте, шахьара бахархошта лаьрхIа, эшача, дIатIахьош да хий. Моттигерча ЖКХ кулгалхоша, цу тайпара наьха лоткъамаш, сиха терко е езачарех да аьнна оттадаьд.

Хий ца тоаш хилара бахьанех керттера дар, наха боарам боацаш бешамашка а кхыча моттигашка хий детташ дукха доадеш хилар да, дале а цунца дувзаденна кхоачамбоацар да, хина турбаш къаьнара хилар, хувцаезаш уж хилар.