Карарча шера ДТП хиларах, 64 саг веннав ГӀалгӀайче
Карарча шера ДТП кӀезигагӀа хиннай республикан доазон тӀа, дӀадахача шера хиннарел (199 - дӀадахача шера, 173 - карарча шера), бакъда цо сатедац вай. Нагахьа санна дӀадахача бӀарччача шера наькъ тӀа 49 саг веннавале, карарча шера 64 саг веннав. Кхы а цхьа бутт ба шу чакхдала бисар. Уж таьрахьаш дийцар ГИБДД урхаллене, цига белгалдир, дукхагӀа йола авареш хилара бахьан да, шоай йоацача наькъа оагӀон тӀа водителаш дӀатӀабувлаш хилар, иштта цӀеча светофорах чакхлелхаш, бокъонаш телхаеш а нийслу.
«ДӀадахача кӀира республике 8 ДТП хилар, цига виъ саг велар, 16 сага тайп-тайпара човнаш йир. Шу дӀадоладелча денз, ГӀалгӀайче 173 наькъа хьовзам хиннаб, царна юкъе 288 сага тайп-тайпара човнаш яьй, 64 саг веннав», - аьлар ГӀалгӀайчен ГИБДД.
Наькъашка тӀахьожам лелабераша водителаш тӀахьех ахкан заман чухь лелаеш йола чархаш хувцара, иштта цар дех новкъа лелара бокъонаш лораяр.
