Запорожски областа Токмакски кхаленна 26 тонн гуманитарни новкъостал дӀахьийтар
20.11.2023 16:57
Запорожски областа Токмакски кхаленна 26 тонн гуманитарни мухь бихьар. Ишколашта, колледжашта лаьрхӀа вайцига 9000 дешара-методически литература гулдир. Бахархошта вай мехка арахецаш дола даараш дихьар: Ӏажаш, коартол, хох, помидораш, москала дулх, молаш дола цӀена хий, яхаш, дийцар «Сердало» газетага ГӀалгӀайчен Кулгалхочуни Паччахьалкхени зарбан болх лелабераша.
«Цу юкъе дика дакъа лаьцад вай дешархоша. Цар гулдаьд ишколай библиотекашта эшаш дола исбахьаллен литература. Цу тайпарча дикача гӀулакха юкъе цар дакъа лоацаш хиларца, вай Ӏомабу уж дикагӀа хила, эшача новкъостала кийча хила, нахага кхаьча халоний масалаш гойташ.
Вай дӀахо а новкъостал лоаттадергда, фу эш хьажара тӀаийцача Токмакски кхаленна. Уж вай мехкахой ба, новкъостал доацаш бита йиш яц», - аьлар Келаматанаькъан Махьмуд-Ӏаьлас.
