Укх бетта, 14-ча денга кхаччалца, шоай моттигашка дIаухьаш хургба тIема декхараш кхоачашде тIадежараш.

Республика тIема комиссар волча Местой Тимура белгалдир, яьржа коронавирусни инфекци бахьан, кагирхой тIабехари дIабахийтари гIулакх чоалхане латт, аьнна.

Дукха кагирхой цамогаш ба, цул совгIа, дукхача моттигашкара гулъе езача справкаша, кхы а халагIча хьале дерзаду из гIулакх. Из хIама кIеззига аттачахьа даккхара, тIахьийхар цо тIема комиссариат.

Кертте оттабир, ханнахьа повесткаш дIаекъара болх, иштта, хьоахадир, арме дIабаха раьза боацаш къайлабувларашца де дезар а. Дешареи Iилмани министерства тIадиллар, дешархошца, массе хана, цу дешах лаьца патриотически болх дIакхахьа аьнна.

Кагирхой комитета, Миннаца хьалхадаьккхар, динах боахка нах юкъе а болаш, кхетаче еш, хьехам бе аьнна, кагирхошта.