Гӏалгӏайчен УПЧ унахцӏенон дешашца бувзабенна нах тӏаийцар
Гӏалгӏай мехка сага бокъонех волча викала Цӏечой Ибрахӏима, Гӏалгӏай Республикан унахцӏенон министра гӏончас Угурчанаькъан Хаде, берий республикански дарбанчен викала цхьана дӏабихьар унахцӏенон хаттарех нах тӏаэцаш бола болх.
УПЧ фусаме зарбан болх лелабераша яхачох; молхашца, лакхача технологей лораша новкъостал дара, иштта дикал йолаш берашта лорий гӏо дара хетадаь дар вӏашагӏкхетар. Цу юкъе вахара бокъонашца дувзаденна хаттараш а дар.
«Хӏара хаттар техкар цу даькъ тӏарча говзанчашца, цига дакъа лоацаш хинначар. Дийцача къамаьлах пайда хургболаш, уж кхоачашдара болх вӏашагӏболла лаьрхӏар, наьха хаттараш теркал ца деш дусаргдоацаш.
Къаьстта дола наьха дехараш ший теркама юкъеийцар сага бокъонех волча викала, иштта республикан унахцӏенон министра гӏончас», - аьлар Гӏалгӏайчен УПЧ.
