ГӀалгӀайчен cага бокъонех волча викало лаьца воаллача сага фусам-наьна дехар кхоачашдир
16.01.2025 14:25
ГӀалгӀай Республикан сага бокъонех волча викалга, лаьца воаллача сага фусам-нанас ший цӀен-да вай республикан юхе хьалвоалавар дийхар.
«ЦӀендаь а са а кхоъ дезалхо ва. Тхо таро йолаш нах дац. Цудухьа сай цӀен-да лаьца воаллача цунна тӀехьаяха са вӀаштӀехьадалац, из вай республикал арахьа лаьца воаллаш хиларах»,-яздаьд цу кхалсага.
«Республикан яхархочунна долча новкъостала, ГӀалгӀайчен сага бокъонех волча викало из дехар дӀадахьийтар Россе баь бехк кхоачашбара долча Федеральни гӀулакхе. Цига лаьрхӀар, цу кхалсага фусам-да шийна теха ха яккха Селий Республикерча УФСИН тоавалара йолча моттиге хьавоалаве», - аьлар ГӀалгӀайчен УПЧ.
