Мехкарча УПЧ моттигерча тӏема юстице кулгалхошца кхетаче дӏайихьар
Моттигерча тӏема юстице оагӏон кулгалхошца кхетаче хилар, мехкарча сага бокъонех волча викала Цӏечой Ибрахӏима. Цига дакъа лоацаш хилар 216-ча гарнизона тӏема прокуратура тӏема прокурор Лезьев Александр, тӏема прокурора гӏонча Хохлачев Сергей, 507-ча тӏема тохкама оагӏон кулгалхо Курченко Антон.
Кхетаче дийцар тӏема операцен доакъашхой, цар цӏагӏарча наьха бокъонаш боаггӏача боараме лорае езилгах. Цу оагӏонцара болх тахан геттара лоархӏаме болга теркалдир. «Сага бокъонех вола викал волча тӏакхухьача хаттарашта юкъе эггара чоалханегӏдараш малагӏаш да белгалдир гулбеннараша.
СВО доакъашхой, цар дезалий бокъонаш лораяра тӏехьа тахан лакха терко лоаттае еза. Тӏема операцена юкъе есарал бигараш дӏа-хьа хувцаш мукъабахарах, байна бӏухой тӏема моттигашкара арабахарах, де доацаш байнараш хьалохаш къахьегарах дийцар кхетаче. Иштта тӏема операце доакъашхошта, цар дезалашта дарба де новкъостал дарах, ӏаьдалгара хьадоагӏаш дола ахча ханнахьа хьаэцаргдолаш гӏо лоаттадарах дийцар цига», - йоах «Сердалога» бенача хоамо.
Наьха бокъонаш лораяра тӏехьа дӏахо а цхьана болх лоаттабарах дийцар хьакимаша. Белгалдир, моллагӏа кхоачамбоацараш юстардахара тӏехьа цхьана къахьега дезилга.
