Ахархой коартол дIаювш ба
В одном из лучших крестьянско-фермерских хозяйств республики активно идет посадка самой любимой овощной культуры ингушского народа — картофеля. Руководитель хозяйства Амирхан Хашагульгов заявил СМИ, что из отведенных под картофель 100 гектаров уже засеяно 40 гектаров.
«ДикагIдола коартолий фу дIадувш да: Рэд Скарлетт, Колумб, Аризона. Уж тайпаш вай Iаламца дика тарлуш да. Вайцигарча хаоттама хьалаш мегаш да царна. Цул совгIа, коартолаш чам болаш а я.
Таханарча денга кхоачаш, дIае езача 100 гектарах шовзткъа гектар дIайийнай. Йийллача моттигерча лаьтташ тIа дIадувш долча баьцадаарашта лаьрхIа кхы а 40 гектар лаьтта хьакъоастадаьд оаха», — аьлар фермера. Карарча шера, боахаме коартолашта а баьцадаарашта а лаьрхIа хьакъоастадаьча лаьттах дийцар ГIалгIай Республикан лаьтта, баьцовгIаш леладара йолча отдела кулгалхочо Оздой Заьлмахас.
«Республикан Кулгалхочо тIадиллача декхарах, коартолаш а баьцадаараш а дIадера дола лаьтта массехказа шердаьд боахамашка. ДIадахача шера ГIалгIайче коартолашта лаьрхIа хьакъоастадаьр 900 гектар лаьтта хиннадале, карарча шера из 1500 гектарага кхоачаш да. ХьалхагIа йийллача моттигерча лаьтташ тIа дIадувш дола баьцадаараш 300 гектара тIа дIадувш хиннадале, хIанз уж дIадув 600 гектара тIа», — аьлар ахархой министерстван викало.
