«Сунт» яхача операце доакъашхоша 183 кхоачамбоацар теркалдир
«Сунт» операци дӏаяхьа арабаьннача полице болхлоша 183 кхоачамбоацар юстардоаккхаш къахьийгар. Республикерча МВД кулгал деча полице инарал-майор волча Котов Владимира тӏадилла, мехкарча массайолча кхалешка дӏабихьар из болх.
«Наькъашкара бокъонаш телхаеш дола 183 кхоачамбоацар теркалдир ГИБДД болхлоша, царна юкъера 44 РФ КоАП 3.1-ча даькъа 12.5 ст. бехктокхаме озаш дар (тонировка). 13 машин ӏаьдала моттиге ӏочуйигар полице, 34 машина тӏара кораш баьддерзадеш дола кхоллар ӏодаьккхар, наькъашкара бокъонаш лораеш воаца кхо саг ӏочувигар, иштта герз хьадоаккхаш моттигаш нийсъелар», - йоах «Сердалога» мехкарча МВД зарбан болх лелаберашкара кхаьчача хоамо.
Мехкарча МВД кулгалхоша кхайкарал ду бахархошка, боккъал наькъашкара бокъонаш лоархӏаш, фийла долаш хила, яхаш! Машина ко лаьца араваьннача хӏара сага декхар да ший санна, шийна гонахьарча наьха уйла яр, оттабаьча боарамал тӏехбувлаш машин цахехкар, сабаре, эзделца хилар!
