Машинех йоал дIацателарах дийцар къаман паччахьа, бахархошца гуччахьара къамаьл деш
Iаьлий-Юрта эттача кхоачамбоацаро сатем боабаьб наьха: кердача лицейна тIабодаш машинаш лела никъ Iобиллаб, бакъда гIашлой никъ хIанз а тоабанза ба. Цу хаттарца мехкадаьца бувзаме яьлар цигара яхархо, цу новкъа гIолла ишколе уха бераш дагадоахкаш.
Келаматанаькъан Махьмуд-Iаьлас теркалдир, тIехьарча шерашка дешара оагIонца мехка дIабихьар боккха болх болга-хьалъяьй 48 ишкол, 50 берий беш хьайийллай. Цу гIулакхо хьахьокх, дешара оагIонца дувзаденнараш тоаде гIерташ къахьегилга.
Iаьлий-Юртара керда лицей а цу беркатеча балхацара масал да. Бакъда, гIашлой никъ цахилар кхыча оагIонцарча кхоачамбоацарех да, тахан муниципальни администрацера ахча тоъаш цахилар да цун бахьан.
Бахархоша машинех йоагIа йоал дIацателар да деррига а. 1 млрд сом совгIа ахча да йоалах хьаIайна мехка латтар. Из бахьан долаш, моттигерча администрацешка боаггIача боараме болх дIабахьа ахча таац.
Машинех телаш йола йоал керда наькъаш дехкаш, гIашлой моттигаш меттайоалаеш, урамашка лампаш йогIаш дIаяхийта йиш хургьяр. ЛаьрххIа болх дIахьош, меттадоаладе дезаш гIулакх да из, цунга хьежжа вай цхьана къахьега дезаш.
