Республикера хӏамаш яхьийтар СВО моттигашка
Тӏема операци латтача моттигашка эшаш йола хӏамаш яхьийтар вай мехкара. Мехкадас Келаматанаькъан Махьмуд-ӏаьлас тӏадилла; Магӏалбикера, Илдарха-Гӏалий тӏара, Шолжа шахьарера, Жӏайрахьа кхалера администраце кулгалхой бар из гӏулакх чакхдоаккхаш хиннараш.
Кхача, технически оагӏонцара гӏирсаш дар ӏодихьараш, иштта бӏухошта эшаш бола гӏирс бар. Муниципалитетий кулгалхоша, бӏухошца къамаьл деш, кхетаче йир. Вайцигара викалаш тӏаийцар вар Токмакски кхален кулгалду Калмыков Александр.
Дӏахо кхоачашде дезарех дийцар цар. Вай мехкадас белгалдир, республико бӏухошта, Токмакски кхален хан-ханнахьа гӏо лоаттаделга.
«Токмака лаьрхӏа хӏамаш ийца укх наькъа бахараш муниципалитетий кулгалхой бар, цо хьагойт, гӏо лоттадар берригача мехко цхьана дӏахьош гӏулакх долга», - аьлар вай Мехкадас.
