Подгузова Верас кхолламца ювзаенна экономика хьаллацара де дезар дийцар
Российски продукци арахецарца ший тайпара бола никъ лелабеш хиларо таро хулийтаргья, из наха къердаш хилийта, эцархой теркам тӀаоза. Цу гӀулакха лоархӀаме да из продукци арахецаш бола нах хьаллоацаш хилар, яхаш, дийцар йоккхагӀа йолча вице-президента - ПСБ арахьарча бувзама кулгалхочо Подгузова Верас, «Креативни хилар: СКФО инвестице керда оагӀонаш» яхача Кавказски инвестицей кхетачен сессе.
«Креативни экономика лелаеш хиларо керда таронаш хьакхолл - уж хила йиш я ший хӀама дӀадоладар, культуран, искусствон, дизайна кхоллам. ХӀаьта керда экономика ший аргӀагӀа чӀоагӀлуш йоагӀа кердача кхолламашца, кердача хаттарашца. Цун керттера башхало я, кердача тароний хьал хьакхоллаш хилар, хӀаьта инноваце из бизнеса наькъ тӀа доаккх.
Из болх дӀаболабале хьалха, ший нах хила беза, из базар тӀа йовзаш хила еза, иштта инновацей даькъ тӀа хьакхоллаш хила деза моллагӀа дӀадоладеш дола хӀама. Креативни экономика хьаллацара йола таронаш лохаш хила еза, масала дешара даькъ тӀа инвестицеш хилар, йоал яккхара оагӀорахьара новкъостал дар, регионашца айхха бувзам лелабар, искусствон, дизайна оагӀонаш лелаеш хилар, маркетинга инновационни технологеш лелаеш, промышленни компанеш дегӀайоалаеш хилар», - аьлар ше къамаьл деш Подгузова Верас.
Сессе иштта къамаьл дир РФ экономически дегӀаахара министра гӀончас Илюшникова Татьянас, Росконгресс Ганза кулгалхочун гӀончас, Инносоциума Ганза кхела кулгалхочо Маринина Еленас, «Кавказ.РФ» АО керттерча кулгалхочун хьалхарча гӀончас Цемахович Андрейс, иштта кхыбараша.
Доакъашхоша дийцар, банкаша, бизнеса, паччахьалкхено экосистема хьакхоллара керттера дакъа дӀалоацаш хиларах; таханарча заман таронаш, архитектура, мода, ашараш, кино, иштта кхыдар - из хилча дика хетар хинна а ца Ӏеш, хургдолчун тешшаме экономика я.
