Хьалхалаьттар вар къаман политиках, регионашта юкъерча бувзамех волча массазарча викала кулгалхочун гIонча вола Дзейтанаькъан Шамал», — йоах тхога бенача хоамо. ТIема операцен доакъашхой хиннача ветеранашка моллагIа хаттар дала аьттув бар кагирхой.

Къаман маьрша вахар лорадеш, деналца шоай декхараш токхаш лаьтта, вахар хаьдача вай мехкахоех даьккха «Тха турпалаш» яха кино хьекхар студенташта. ТIема-тактически спортах йола кийчо е кагирхой хьахержар цига.

Иштта дIакхухьаш йолча кхетаченаша боккха пайда лу. Шоай Даьхенах дог лазаш; денал, яхь, сий яха оагIонаш довзаш; кхебе беза кагирхой. Ханнахьа беннача кхетамо доккха дика дут шийна тIехьа!