Хьайбай лораша кӀалхардаьккхар акха жӀали
25.01.2024 15:57
Шолжа-Шахьара вахархочунна корадир, чкъаьрий лувцача сетках яьча боанго лаьца, хи йисте улла акха жӀали. Из цунна тӀанийсвеннача хана, жӀали леш лаьттад. Оакхарех дог лазаш волча моттигерча вахархочо сиха Шолжерча хьайбай лорий станце дигад из, яхаш, хоам бу «Сердало» газетага ГӀалгӀай Республикан хьайбай лорий урхаллен зарбан болх лелабераша.
«Акха жӀали тхо долча хьадоаладаьча хана, башха дика садоахаш а дацар. КӀезиг-кӀезига доагӀаш, хьаметтадера из. ЖӀали геттара низ дӀабаьнна дар. Дарба дарах новкъостал хилар цунна», - аьлар хьайбай лора Марзбиканаькъан Аюпа.
ХӀанз жӀали дахаш да ше кӀалхардаьккхар волча, из дӀахеца лаьрхӀа вац моттигера вахархо, хӀана аьлча лерттӀа метта ца деча лоархӀавац из.
