ГӀалгӀайчен хьайбай лорий урхаллено 2023 шера 67 000 совгӀа экспертиа яьй
Хьайбашкара хьайоаккха продукци кхераме хургйоацаш, ГӀалгӀайче цу юкъа ветеринарно-санитарни тӀахьожама болх дӀабихьаб. 67000 совгӀа хьайбай а баьцадаарий продукцена экспертиза яьй. Цох дийцар ГӀалгӀай Республика парламенте, 2023 шера цу боахаме баьча балхах дувцаш, хоам бу «Сердало» газетага Республикан Халкъа Гулламо.
«Боахама кулгалхочо Дзугайнаькъан Беслана, ше къамаьл деш, белгалдир, 2023 шера республике дийнаташкара хьадоалача лазарий хьал во ца лаьтталга.
Хьайбашкара хьадоаккха маша мел дохкача моттигашка ветеринарно-санитарни тохкамаш ду лаборатореш вӀашагӀъехкар, цига мел эшаш бола гӀирс а кхыйола балха тӀа лелаю кечалаш а я.
400 эзар тохкам беш хьежача, массекх мара ца доагӀаш дола хьал нийсденнадац. Цу тӀехьа къахьийгар сихагӀа кхоачамбоацар юкъера дӀадаккхара, ветеринарно-санитарни даькъ тӀа бе беза болх беш.
Владимир-Шахьаре «ВНИИЗЖ» ФГБУ биоматериала тохкам бир доккхийча хьайбашта ящур оала лазар дий хьожаш,цо хьагойтар эшаш йола иммунитет хьайбай йолга», - йоах хоамо.
Хьайбай лорий урхаллен кулгалхочо иштта аьлар, ший балха даькъ тӀа дезинфекци яра эшаш йола вакцина я, дийнаташкара хьадувла лазара совцаду болх дӀабахьара кхоачам а болаш ба. Иштта дийцар 2024 шера бе безача балхах, боахама хьалхашка латтача декхарех.
