Наьсарен «Фабрика» базар тӀа машинаца чувода моттиг къайлай, тоаеш хиларах
03.07.2025 16:36
Наьсарен «Фабрика» базара доазув хӀанзарчоа машинашта дӀакъайлад. Из лаьрхӀад доал деча даькъ тӀарча администраце, из моттиг лостам бе безаш хилар бахьан долаш, яхаш, дийцар «Сердало» газетага шахьара мэре.
Моттигера бахархой, автомобилисташ цкъа леткъа Ӏийнабац никъ бӀеха а, дукха хӀамаш латташ хьалбиза а хиларах. Ӏаьдало теркалдир из гӀулакх, тӀаккха болх дӀаболабир.
«Кастлуш цу гӀишлон даьша дӀаболабергба никъ тоабара, лостам бара болх, цу юкъе асфальт биллар а долаш», - аьлар хоамо.
Администраце викалаша яхачох, из никъ тоабаро лакхдергда кхерамзлен хьал, иштта базар тӀа латтача наха а аттагӀа хургда цу хьалашка болх бе.
