ТӀема доакъашхой денал хьагойт бахархошта гойтамафильмо
05.08.2024 09:40
Даьхен гӀулакха аравалара тӀахьехаш, ший лоӀаме тӀема декхараш такхарах йолча гойтамафильмо хьагойт бахархошта тӀема операцен юкъе дакъа лоацаш барий майрал, денал, Даьхенцара яхь. Из хоам «Сердалога» бир мехкарча миннацера.
«Фильмо хьагойт, тахан Россе деррига къамаш цхьана ураэтта, Даьхен гӀулакх лорадеш долга, Росси вай массане юкъара цӀа долга», - йоах хоамо.
Бикъбеннача тӀема юкъе, Россе тайп-тайпарча къамий бӀухоша ламаз деш, шоашта хьалхашка латта декхараш дизза кхоачашделга хьагойт даьккхача кинос.
