Путин Владимира Россе Турпалхочун седкъа дIабелар Хьоашаланаькъан Султана
Турпалхой ди долаш, Путин Владимира лакхара совгӀат - Россе Турпалхочун седкъа дIабелар тӀема эпсара, кадрови тӀемахочунна- подполковника Хьоашаланаькъан Султана, яхаш, хоам бу «Сердало» газетага республикан министрий кабинето.
«Оаха доккхал ду; вай мехкахо, Денал гойтарах массехк орден йола Хьоашаланаькъан Султан санна болча нахах. Массаза ГӀалгӀайче хург а ба, хила а хиннаб шоай тӀема декхар дизза кхоачашдеш бола нах, Даьхе лораеш бола боккъонца къонахий», - йоах укх деношка республикан дукхача бахархоша, из лоархӀаме моттиг белгалъеш.
Карарча хана СВО даькъ тӀа денал долаш, майрал гойташ тӀема декхар кхоачашдеш гӀалгӀай дукха викалаш ба, цаӀ йолча паччахьалкхен Россе кхерамзлен Ӏалашо яра, шоай са Ӏодилла кийча болаш, моастагӀчунна духьаллатт уж.
