ГӀалгӀай къаман
юкъара газет

Кердадараш

Наха низ бара духьала къовсам лоаттабар

На совещании в Магасе под председательством Главы РИ Махмуда-Али Калиматова состоялось совещание, на котором главной темой стала попытка дестабилизации обстановки в республике, проведение КТО на территории Малгобекского района и связанные со случившимся поисковые мероприятия по задержанию лиц, совершивших нападение на пост ДПС «Волга-14». Власти и народ Ингушетии осуждают экстремизм во всех его проявлениях и будут всегда противодействовать любой радикальной деятельности, сообщили газете «Сердало» в пресс-службе Главы республики.

Дувца оттадаь керттера дош дувзаденна дар, республикера хьал тоадарца. Республикан кулгалхочо белгалдир, «Волга-14» яхача МагIалбикерча наькъ тIара хьал лорадеш латтача посте чухьелха зуламхой хьалувца беза, аьнна. Мехкарча хьакимаша, бахархоша тахан шоашта могар ду, терроризм яхача доккхача зулама лар республикера хоадае гIерташ. «Вай мехкара хьал толхаде гIерташ бола моастагIий ба, цу бIехача гIулакха тIехьалаттараш. ХIетта кхийнача кагирхой кхетам цу хIаман тIехьа дикка дIачIоагIбенна боацилга кхетадеш, уж ба зуламхоша цу зуламерча хIаманна юкъекхувлараш. Царга ладийгIе, шоай вахар кегадеш, дIаух кагирхой. Из бIеха гIулакх доаржадераша кхетадац шоай дин, харцача уйлашца нах тувлабеш, хьабоагIа моастагIий ба уж», — белгалдир Мехкадас.

Цу наькъ тIа мел баьннараша, шоашта доагIаш дола таIазар дIаэцаргда! «Уж нах къайлакхухьаш, царна гIо деш, дIа-хьа кхувлаш мел хиннараш, цар оагIув хьаллаьцарех ба, цунга хьежжа, «Терроризм» яхача статьяна юкъе чуболх уж», — белгалдаьккхар республикан кулгалхочо.

Къаман маьрша вахар лорадеш латтача болхлошта чухьелхаш, хьабоагIа уж нах. «Полице болхлой, кхыбараш санна, шоашта тIадехка декхараш токхаш къахьегаш латта нах ба. Да, нана, шоай дезалаш кхаба, атта боаца болх беш, латт уж нах. Уйлаш кегаенна лела террористаш уж маьрша болхлой боабе ух. Из гIулакх вай мехка чакхдаргдац, хIара зуламхочо шийна доагIар дIаэцаргда! Тахан вай дерригаш, цхьа барт болаш, оарцагIдала дезаш хьал да из! Берригача террористий тIеххьара никъ цхьаттара ба! — дийцар Мехкадас. — Укх езача мархий хана, кагирхой тувлабеш, мехкара хьал толхаде, кегаде гIерташ, кхест моастагIий. Ер дин хьаэттача хана денз, вай даьша харцахьа, бIеха никъ ба, яхаш, духьале яьчча тайпара, духьале еш дIагIоргда вай терроризма», — белгалду Мехкадас. Келаматанаькъан Махьмуд-Iаьлас дийцар, таханара ха, ший цIена дин леладеш, нийсача оагIорахьа ший Далла гIулакх деш, дIаваха массе оагIорахьара аьттув болаш я, аьнна. ХIара урам тIа хIана дац аьнна, маьждигаш да, нийсадар хьалхадоахаш бола дийша нах шортта ба республике. Балха моттигашка ламаз де аьттув хургбараш юкъедоаладаьд. «Вай цхьабола кагирхой Даьхен гIулакха, тIема операцен юкъе дакъа лоацаш болча хана, тувлабеннараш шоай мехкарча бахархошта зе де арабаьнна лел. ТIема юкъе латте а, шоай ламаз, марха лорадеш, хьабоагIа вай сийдола къонахий. Тахан, воашта могачох, цар оагIув хьаллоацаш да вай. Со дог тийша ва, царна юкъера цхьа саг экстремизма хьалхалаттараша кегаверг ма вац, аьнна, хIана аьлча царна бовз нийса никъ», — аьлар Мехкадас. — Тахан даггара къахьегаш да вай, республикан хьал тоаде гIерташ. Хьалъеш латт керда гIишлош, наькъаш, шахьараш, юрташ тоаеш болх дIакхухь. Иштта мохк тоабеш латтача хана, из деррига кегаде арабувларашта доагIаш дола таIазар дIадала деза», — белгалдир республикан кулгалхочо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде