ГӀалгӀайчен Ӏаьдало хьаллоац халкъа начӀал
Сельские Дома культуры должны быть центрами притяжения сельчан — напомнил руководитель администрации Малгобекского района Камбулат Кузьгов, побывав в Доме культуры сельского поселения Нижние Ачалуки. Здесь он изучил техническое состояние здания, познакомился с планами работы учреждения и организацией кружковых занятий.
Муниципальни даькъа тӀара кулгалхо венача хана, культура ЦӀагӀа «Онгушт» яхача халхара хореографе берий ансамбль яр репитици еш.
Кхузнаькъан Къамбулата дайзар цигара берий дешара хьал, цунна гуш дар уж мел чӀоагӀа терко тӀайохийташ шоаш каралаьцар Ӏомадеш ба, иштта цун къамаьл хилар художественни кулгалхочунца Котанаькъан СаӀадаца.
«Къамбулата даькъал бийцар цар болх, дӀахо а, цар шоай балха тӀехьа толамаш дахар ловш дола дешаш а аьлар. Эшачунца ГӀалгӀайчен хореографи дегӀайоалаяра новкъостал хулийтаргда а аьлар», — аьнна дийцар «Сердало» газетага МагӀалбика района администраце пресс-служба.
Укхаза белгалдаккха деза, цаӀ дикагӀа йола котало яьккха хилар «Онгушто», «Восходящая звезда-2017» VӀӀ Халкъашта юкъерча фестивале-конкурсе. Цу хана денз, кхоллама коллективо тешшаме, Россе къулбихье хьалхара моттигаш йоах.
