Тохкаш да, Туркий мехка хатар хиннача вай мехкахой бий
Глава Ингушетии М-А. Калиматов поручил кабмину региона выяснить судьбу ингушей, которые могли оказаться в зоне землетрясения в Турции, информировали газету «Сердало» в пресс-службе руководителя РИ.
«Дерригача дунено теркам тIабохийташ, эттад Туркий мехка, Шаме мохк агарах нийсденна хатар, хIара денна дукхагIа хулаш боагIа цига байнараш.
Хьалхарча дийнахьа денз, аз декхар оттадаьдар цу юкъе гIалгIай нийсбеннабий хьажа. Таханарча денга кхоачаш, цига вай мехкахой ба, аьнна, хоам кхаьчабац», — аьлар Келаматанаькъан Махьмуд-Iаьлас ший телеграм-каналага гIолла.
ХIанз укх сахьате ГIалгIай Республикан Миннац тIатеIIа бувзаме яьнна болх беш я Россе МВД-ца. Туркий мехкарча РФ Генеральни консульствон викалаша яхачох, цига этта хьал чIоагIа чоалхане хиларах, хIанз укх сахьате цу юкъегIолла Россе посольствога хоам бе таро яц цигарча Iаьдала, вай мехкара саг ва е вац яха хоадам бара, байнарашта юкъе саг вий хара.
«Массаза а теркама юкъе лоаттадергда вай из дош, цунах бола хоам бергба республикан бахархошка», — аьлар ГIалгIай Республикан кулгалхочо.
