«Полимер» яха заводи Илдарха-ГIалий тIара хьакимаши бувзам чIоагIбеш ба
«Полимер» яхача заводе ваха хилар укх деношка Илдарха-ГIалий тIара мэр Дидиганаькъан Ахьмад. Цига дийцар, шахьара администрацени ООО «Техстрой» яхача моттигаи юкъерча бувзамах. Из хоам «Сердало» газетага бир шахьара мэре.
«Цхьана наха гIо деш йола проекташ кхолларах дийцар кхетаче. Шахьара даьца цига баха хилар цун гIонча вола Йовлой Тимури, мэрерча хIама хьакхоллара оагIон кулгалду Малсаганаькъан Мухьмади.
ООО «Техстройна» кулгал деча ГIазгиренаькъан Зураба, еррига моттигаш дIахьокхаш, экскурси йир хьаьшашта заводе гIолла», - йоах тхогарча хоамо. 2015-ча шера болх бе дIайолаеннача заводе арахец тахан полимерни турбаши облицовочни хIамаши.
РФ Президента вайна хьалхашка оттадаь декхараш кхоачашдара тIехьа, чIоагIа эшаш ба из кхоачам. Боккха пайда беш йола хIамаш арахьара хьачукхахьа ца езаш, вай мехка хьаеш хилар доккха дика да.
