«Халача хьале этта, гӀо эшача наьха гӀулакх тохкаш, кхетаче дӀайихьар цу гӀулакха йолча комиссен болхлошца шахьара кулгалхочун гӀонча волча Йовлой Тимура», - йоах тхога бенача хоамо. Пхе сага, новкъостал дехаш, яздаьча каьхаташка хьежар хьакимаш.

Кхо саг, арахьа дарба де дӀаводаш, оагӀув хьаллаьцар шоай яхаш вар, хала таро йолча шин сага вахара хьал цхьа кӀеззига аттачахьа даккха новкъостал дезар. Деррига техкачул тӀехьагӀа, цу наьха гӀулакхага хьажа чӀоагӀо йир администраце.

Иштта йола, наьха хала хьал аттачахьа даккха йиш йола кхетачеш геттара эшаш я. Хьакимашта, бахархошта юкъе бувзам хилча дикагӀа довз царна эшар, доацар.