Нах баха хайша керда моттигаш тоаеш ба наьсархой
04.02.2025 09:37
Кагий жагӀа буллаш, шаьрбеш латт Саькура бетта 23-ча ден цӀи тӀатеха урам. 100 совгӀа цӀа дагӀаш урам ба из, хӀаьта цигара хьал бахархошта дагадоалла дикка ха яр.
Шахьара мэр волча Оздой Руслана теркалдир, цу урамера никъ тоабе, яхаш, цигара нах леткъа дикка ха йолга. Хьакима белгалдечох, цхьаккха тайпара теркам боацаш лаьттаб из урам.
«Тахан долаш долча рузкъанга хьежжа, жагӀа билла тоабергба цигара никъ; бакъда дӀахойодача хана из урам боаггӀача боараме тоабе, дикагӀа бола никъ билла соцам баьб оаха», - аьлар шахьара дас.
